Yeewtere Afriknaaɓe ngam Jam

Jolal 3ɓiiwal yeewtere Afrik ngam jam, batu mum hakkunde leyɗe fuɗɗiima hannde ñalɗi 17, 1ɓuru e nder Nuwaasot, maa duumo fotde balɗe 3. Ardiiɓe Diineeji ummoriiɓe nder Afrik fof kawrii nder Nuwaasot ngam jolal 3ɓiiwal yeewtere Afrikyankoore ngam jam.

Hooreejo leydi Nigeria Muhammadu Buhari ummiima hanki Abuja, altineere o arii ɗoo e Muritani. Ko kanko woni teddiniraaɗo ñalawma oo. Nootitiiɓe leydi Caad, Ejipta e leyɗe goɗɗe tawtoraama. Hooreejo Buhari ari ko ngam tawtoreede kawtal 3ɓiiwal yeewtere afrikyankoore ngam jam, ɗo o wowlata bowlol jowitiingol e daawe e jam dañaaɗo nder doŋre Afrik.

Yeewtere Afrik laatiima nokkuure wajjere jeewtondiral jowitiingal e toɓɓe keewɗe jotondirɗe e jam nder doŋre men: Kaaldigal e beldital, baawtiringol e tiiɗtingol jam, haɓde e bowli ceɓɓitiiɗi, ɗanngal ngal rewaani laawol, jaŋde sukaaɓe rewɓe, kesamkesamaagu jaŋde Quraan, haɓde e waasam-potaagu, ndeenaagu jinnditorɗe afrikyankooje, ekn.