Mali: tele joliba TV News uddaama

Leydi Mali uddii tele leydi maɓɓe keeriiɗo

Caggal wullitaango ummoraade e laamu Burkina Faso, wonɓe e laamu sabbordu Mali pelliti uddude tele keeriiɗo caggal konngol luulndiingol sariyaaji leydi ndii, ummoraade e dawriyanke Malinaajo gooto, ñiŋɗo leydi Burkina Faso.

Ɗuum addanii (HAC) ƴettude kuulal ngam uddude Joliba TV. Ɗum waɗi ko ɓaawo nde laamu Burkinaa waɗi wullitaango ñalnde 12 jolal ummoraade Diiso dowrowo jokkondiral Burkinaa feewde e Joliba TV News. Ngoo wullitaango waɗi ko caggal haalannde Iisaa Kaaw Njim, neɗɗo politik Mali ganndiraaɗo wallitde laamu koniŋkooɓe hono kolonel Assimi Goytaa, hade makko woɗɗitaade ɓe. Ko e tele Joliba TV News, o waɗnoo yeewtere makko ñiŋoore laamu koniŋkooɓe Burkinaa.