Jaagorgal jaŋde ngenndiire haɗtii jannginooɓe ɓoornaade wutte nder janngirɗe

Sahaa njilluuji am nder janngirɗe laamu ɗee, mi teskiima gollotooɓe e laamu heewɓe haa teeŋti e jannginooɓe ɗooftaaki ɓoornanteeri kaandi waɗeede e sahaa nde ngoni golle. Ɗuum ko konnguɗi jaagorgal jaŋde ngenndiire e mbayliigu Tippudi Nehdi e jaŋde. Tuugnaande e ɗerewol jirlotoongol jaltungol hanki, saaktaa ngol tŋ 029, teeŋtinii hankadi jannginooɓe kaɗtaama ɓoornaade wutteeji (Darraa) sahaa nde ngoni e janngirɗe.

Ngol ɗoon ɗerewol nih saraama e hoohooɓe laamu nguu wonɓe e nder diiwe ɗee haa nih ardiiɓe jaŋde, nde ɗooftotoo ndee yamiroore ummoriinde e Jaagorgal jaŋde ngenndiire. Kono yoga e jannginooɓe naniraani ɗum jam, e wiyde mumen won ko fotnoo eɓɓeede ko heewi ko faati e jaŋde ko wonaa haɗde jannginooɓe ɓoornaade darraaji. Usmaan Joop kebloowo jannginooɓe to duɗal keblorgal jannginooɓe Kayhayɗi

Hay so tawii jiyanɗe jannginooɓe ɓee waɗi ko baalaaje ɗiɗi, heewɓe kolliti ko ine njahdi heen.
Hankadi ɓoornaade darraa nder kalaas, haɗtaama nder janngirɗe ɗee. Wutte ine mawni, emin njooɗni ngal pellital ɗuum ko yiyannde KD Sow jannginoowo to ekkol varough Kayhayɗi

Won ko foti haaleede e jaŋde ko heewi ko wonaa wutte, kono kam mbiɗo yooɗni ndee yiyannde ɗuum ko konnguɗi gooto e jannginooɓe ɓee.