Hooreejo leydi ndii e hooreejo leydi Siin mbaɗdii gostondire jaarooje ngam mawninde duuɓi 60 maanditaare jokkondiral hakkunde leyɗeele ɗiɗi ɗee

Hooreejo leydi ndii, Mohamed Wuld Sheekh El Ghaswaani, e hooreejo leydi Siin Xi Jinping, mbaɗdii gostondire e nder duuɓi 60 maanditaare jokkondiral dipolomaasi hakkunde Ndenndaandi Islaamyankeeri Moritani e Ndenndaandi leydi Siin, teeŋtinde tiiɗgol jokkondire cehilaaje e gollondiral hakkunde leyɗeele ɗiɗi ɗee.

E nder ooɗoo fartaŋŋe, hooreejo leydi ndii hollitii luggiɗgol gollondiral hakkunde Moritani e Siin e nder duuɓi capanɗe jeegom jawtuɗi ɗii, o siftini ɗum wonde ko mbaydi gollondiral moƴƴal e ballondiral hakkunde leyɗeele ƴellitiiɗe ɗee, o teeŋtini kadi jokkondiral tiiɗngal e paamondiral tiiɗngal to bannge tolnooji ɗii kala.

O siftinii joɗnde makko e hooreejo leydi Siin, Xi Jinping, e sahaa pottital baɗnongal to Pekin Kawtal jowitiingal ngam gollondiral hakkunde Siin e Afrik e lewru siilto ɓennundu nduu, ɗo ɓe kollitii ɓeydugol jokkondiral maɓɓe haa yettii tolno gollondiral peewnitorɗe, daawal ngal o jaggiri joofgol laawol juutngol hoolaare e teddungal, golloraade nafooje pellital dawriyankeewal, e wallitde ƴellitde kisal hakkunde leyɗeele, deeƴre, e wellitaare yimɓe kam e gollodagol juumtungol.

To bannge makko, hooreejo leydi Siin mantii jokkude ƴellitaare jokkondiral hakkunde Moritani e Siin, o siftinii wonde duuɓi capanɗe jeegom ɓennuɗi ɗii, ko ɗum tan semmbini ɗum en. O teeŋtinii yiɗde makko gollodaade e hooreejo leydi ndi, hono Mohamed Wuld Seekh El Ghaswaani, ngam udditde jolɗe kese ngam gollondiral peewnitorɗe ngam moƴƴere e nafoore leyɗeele ɗiɗi ɗee.