Dr Hammadi F. Sih ƴettaama kawgel hiisiwal to ngenndiiji Dentuɗi Amerik

Hiisiweejo muritaninaajo Dr Hammadi F. Sih tawtii Jaaɓi haaɗtirde lollunde to Ngenndiiji Dentuɗi Amerik, wiyeteende « Johns Hopkins University ».

Ko kawgel mawngel, tawi soklaa ko yahruɓe ganndal hiisiwal, waɗɓe wiɗtooji luggiɗɗi e oon fannu njeytortee e kawgel ngel. Ngel ɗoo kawgel noon, wonaa ko weeɓi heɓde ngati ko teemedde teemedde annduɓe, mbaɗdata kihondiral etee ko gooto tan petto ƴettetee.

E nder ngal duɗal mawngal, JHU Dr Muhamadu F. Sih maa janngin heen hiisiwal e wiɗtooji jowitiiɗi Potondire ceertekeeriiɗe, toɗɗiiɗe yirwere diƴƴe maaje, yirwere mbeeyu… Ko noon ne kadi lewñe, ɓorɗi lewñiije (fibre optique), beeɓtinooji, newnanooji yimɓe jotondire mumen. Ine waɗi fannuuji goɗɗi ɗi o ɗowata nder ɗiin wiɗtooji ine jeyaa heen Guuɗiwal molle. Ma o janngin heewɓe yahruɓe Hiisiwal, woɗɓe yahruɓe ɓalliwal walla karallaagal ko wayi no ciyne ganndiwe e karalliiwe.

Dr Muhamadu Sih maa jokku kadi coobagol mum hare mum e ƴellitagol hiisiwal nder doŋre Afrik. Ƴellitirde ɗemɗe afrikyankooje ɗee, ganndiwe.

GM