Hooreejo Moritani e nanndo mum Enndonaajo Durupadi Murmu ciifondirii jotondire diplomasii

E nder jeewtidal maɓɓe hanki alarbaare, to galle laamorgo leydi ndii Nouakchott, Mohamed Ould Cheikh El-Ghazouani e nanndo mum Draupadi Murmu, hooreejo Enndo, teeŋtinii ƴellitaare jokkondiral hakkunde Moritani e Enndo e kala sifaaji,– Yeewtere ndee yowitii ko e tiiɗtinde jokkondiral cehilaagal e gollodagol hakkunde leyɗe ɗiɗi ɗee.

– To bannge toɓɓe ɗiɗi ɗe, senngooji ɗiɗi ɗii ciifii ka wayi no nafoore ƴellitgol jokkondiral hakkunde Moritani e Inndo, haa teeŋti noon e fannuuji dipolomasi, pinal e faggudu, tawi kadi ine wondi e cemmbingol gollodagol e nder gollorɗe ƴellitaare, farmasiiji e safaara sekteeruuji ballitooji, ndema e ƴellitaare karallaagal kesal.

– Banngeeji ɗiɗi ɗii fof teeŋtinii yiɗde yaawnaade timminde laabi nanondiral gollodade ɗeen geɗe, haa arti noon e sosde goomu kuuɓtodinngu wonande sarɗiiji ngam semmbinde gollondiral hakkunde leyɗeele ɗiɗi ɗee, ko ɓooyaani koo siynetee.

– Ko fayti e geɗe diiwaan e hakkunde leyɗeele, jeewte ɗee njowitii ko e geɗe kuuɓtodinɗe, haa arti noon e caɗeele faggudu, renndo, kisal e weeyo. Nafoore ɓamtaare duumotoonde e gollodaade e fannuuji semmbeeji kesi,

– Ko yowitii ko haɓaade ownooɓe beeli yimɓe, Hooreejo Moritani teeŋtinii , hooreejo leydi ñiŋii no feewi bonanndeeji baɗeteeɗi e warngooji ɗi Israayiil waɗi to Palestiin e Liban, teeŋtinii wonde ina haani tiiɗtinde diisnondiral e jokkondiral ngam ƴellitde an…
Hooreejo leydi Enndo hono Mrs Draupadi Murmu noddii hooreejo Moritani. hono Mohamed Ould Cheikh El-Ghazouani ngam njillu to leydi Enndo.
Hooreejo leydi oo jaɓii noddaango ngoo, ina ɗaminii ñalngu njillu nguu ina foti anndeede e laabi dipolomasi.